Қырғызстан мен Германия күн электр станциясын құру туралы келісімге келді
АСТАНА. KAZINFORM — Қырғызстан мен Германия екі қалқымалы күн электр станциясын құру туралы келісімге қол қойды. Бұл туралы Анадолы ақпарат агенттігі жазды.
Қырғызстан президентінің баспасөз қызметінің хабарлауынша, Садыр Жапаров ресми сапармен Германияда президент Франк-Вальтер Штайнмайермен және канцлер Олаф Шольцпен жеке кездесулер өткізді.
Жапаров президент Штайнмайермен кездесуінде Қырғызстанда халықтың әл-ауқатын арттыруға, экономиканы нығайтуға және қолайлы инвестициялық ахуал жасауға бағытталған ауқымды реформалар туралы айтты.
Қырғызстан президенті Германия канцлері Шольцпен жеке кездесуде қырғыз-герман ынтымақтастығын одан әрі нығайтудың маңыздылығын атап өтті.
— Біз неміс кәсіпорындарының экономикамызға қатысуын құптаймыз, — деді ол.
Келіссөздер нәтижесінде Қырғызстан Министрлер кабинеті мен бірқатар мамандандырылған неміс компаниялары 2 қалқымалы күн электр станциясын салу және пайдалану туралы келісімге қол қойды.
