Қырғызстан Президенті Садыр Жапаров Астанаға келді

АСТАНА. KAZINFORM — «Орталық Азия – Италия» саммитіне қатысу үшін Қырғыз Республикасының Президенті Садыр Жапаров Қазақстанға келді. Бұл туралы Үкіметтің баспасөз қызметі хабарлады. 

Өткен жылы Қазақстан мен Қырғызстан арасындағы тауар айналымы $1,7 млрд-тан асқан болатын.

Бірінші тоқсанның қорытындысына сәйкес, өзара сауда-саттық өткен жылмен салыстырғанда 25%-ға артып, 435 млн доллар болды. Қазақстан тауарлары экспорты 32,7%-ға өсті.

Бүгінде екі ел үкіметтері алдына өзара тауар айналымын $3 млрд-қа дейін жеткізу міндеті қойылды.

Айта кетелік Түрікменстан Президенті Сердар Бердімұхамедов «Орталық Азия – Италия» саммитіне қатысу үшін Астанаға келген еді.