Қырғызстанда 4,6 балдық жер сілкінісі болды

АСТАНА. KAZINFORM - Еуропалық-жерорта теңізі сейсмикалық орталығы Қырғызстанда жер сілкінісін тіркеді, деп хабарлайды Kazinform. 

Жер сілкінісі жексенбі күні жергілікті уақыт бойынша 23:44-те болды. Жер сілкінісінің ошағы Ош қаласынан оңтүстік-шығысқа қарай 137 шақырым және Нооката қаласынан оңтүстік-шығысқа қарай 127 шақырым қашықтықта тіркелді. 

Тереңдігі - 10 км. Магнитудасы - 4,6 балл. 

Қазіргі сәтке дейін жапа шеккендер туралы мәлімет түспеген. Құтқару қызметі жағдайды бақылауда ұстап отыр. 

Бұдан бұрын Каспий теңізінде екі рет жер сілкінгенін жазған едік.