Қысқы универсиадада алтын алған Анастасия Городко жарыстан кейін пікір білдірді

АСТАНА. KAZINFORM – Турин қаласында (Италия) өтіп жатқан Қысқы универсиадада Қазақстан қоржынына алғашқы алтын медаль салған Анастасия Городко жүлдесі жөнінде пікір білдірді. 

Анастасия Городко
Фото: Olympic.kz

Бүгін фристайл-могулдан қазақстандық Анастасия Городко ең жоғары ұпаймен (79,79) жеңіс тұғырына көтерілді. 

- Ел қоржынына алғашқы жүлдені салғаныма қуаныштымын. Жарыс оңай болған жоқ. Алайда бәрі ойдағыдай өтті. Алтын медаль еншіледім. Әлем чемпионатынан кейін спорттық бабымды жоғалтпауға мән бердім. Жарыс жолына байланысты әркімнің пікірі түрліше болды. Өзіме ешқандай қиындық алып келген жоқ. Алға қойған мақсатымды орындап шықтым. Енді алдағы жарыстарда да жеңімпаз атануға күш салмақпын, - деді ол. 

Анастасия Городко 2005 жылы 14 мамырда дүниеге келген. Қазірге дейін 2021 жылы Алматы қаласында өткен әлем чемпионатында параллелді могулда қола жүлде алды. 

Бүгінде ол Қазақ спорт және туризм академиясында 3 курс оқиды. 

Соңғы жаңалықтар