Қытай мен Қырғызстан шекарасында бірнеше жер сілкінісі болды
23 қаңтар күні сағат 00:09-да Қытайдың Қырғызстан шекарасына жақын аумағында бірінші жер сілкінісі болды. Жерасты дүмпуі Қырғызстанның Бішкек, Ыстықкөл, Нарын және Шу облыстарының тұрғындарына сезілді, деп хабарлайды Kazinform агенттігінің Қырғызстандағы меншікті тілшісі.
Қырғызстан сейсмология институтының мәліметі бойынша, жер сілкінісінің ошағы Қытай аумағында Қаракөлден оңтүстік-шығысқа қарай - 137 км, Каджысайдан оңтүстік-шығысқа қарай - 150 км, Нарыннан оңтүстік-шығысқа қарай - 275 км, Бішкектен оңтүстік-шығысқа қарай - 300 км жерде орналасқан.
Эпицентрдегі жерасты дүмпуінің қуаты 8 балға жетті.
Қырғызстан елді мекендері Құм-Торда — 5, Қаракөл, Нарын, Бішкек, Каджысай қалаларында — 3 балл болды.
Қырғыз ТЖМ алдын ала дерегінше, жер сілкінісі салдарынан зардап шеккендер мен қираған ғимарттар болған жоқ.
Естеріңізге сала кетейік, 23 қаңтарда сағат 00:09–да Қырғызстанда жер сілкінісі болды.
Көптеген қала тұрғындары үйлерін тастап, сыртқа шықты.
