Қытайда гуманоид роботтардың алғашқы жекпе-жегі өтті

АСТАНА. KAZINFORM – Қытайлық China Media Group (CMG) медиа тобы ұйымдастырған World Robot Competition – Mecha Fighting Series жекпе-жегі - алғашқы гуманоидты бокс кездесуі болды, деп хабарлайды Global Times. 

Чемпионат Қытайдың шығысындағы Чжэцзян провинциясының Ханчжоу қаласында өтті, оған Unitree Robotics компаниясы жасаған роботтар қатысты. 

- Жарыс – гуманоид роботтарға арналған әлемдегі алғашқы жекпе-жек спорттық іс-шарасы, бұл жасанды интеллекттің (ЖИ) жекпе-жек спортына біртіндеп интеграциялануын көрсетеді, делінген CMG есебінде. 

Ұйымдастырушының айтуынша, жарысқа адам басқаратын роботтар ұрыс әдістерін көрсететін демонстрациялық және бәсекелестік матчтар кіреді. 

Unitree G1 компаниясының флагмандық адам тәрізді роботының биіктігі - 1,32 метр, салмағы - 35 келі. Ол жетілдірілген есептеу қуатымен және бірқалыпты қозғалысты басқарумен жабдықталған. Unitree G1 ықшам пішінде жоғары икемділік пен ептілікті ұсына отырып, қиын ортада жұмыс істеуге арналған.

Еске сала кетсек, сәуір айында Бейжіңде роботтардың марафоны өтті.

Ал Қызылордадағы 6 мектепке адам тәрізді роботтар алынғанын жазған болатынбыз.