Қытайдың «солтүстік полюсінде» туризм қарқынды дамып келеді
АСТАНА. KAZINFORM – Қытайдың солтүстік-шығысындағы Хэйлунцзян провинциясында орналасқан Мохэ қаласы қысқы туризмнің ерекше мүмкіндіктері арқылы саяхатшыларды тұрақты түрде тартуда. Бұл туралы Синьхуа хабарлады.
Мохэ Қытай Халық Республикасының ең солтүстіктегі қаласы саналады. Табиғи-климаттық ерекшеліктері мен қыстың өзіндік атмосферасының арқасында қала «Қытайдың солтүстік полюсі» деген атауға ие болған.
Қысқы туризм аясында ұсынылатын ерекше тәжірибе – қатаң аяз, қарлы пейзаждар, солтүстік табиғаттың көріністері мен жергілікті мәдениет элементтері – ішкі және шетелдік туристердің қызығушылығын арттырып отыр. Соның нәтижесінде Мохэ соңғы жылдары қыс мезгілінде келушілер саны бойынша тұрақты өсім көрсетіп келеді.
Айта кетейік, Қытайлық CAS Space ғарыштық туризмге арналған суборбиталды аппаратты сәтті сынады.
