Қытайлық робот әлемде ең алғашқы болып сальто жасады

АСТАНА.KAZINFORM – Қытайдың Шэньчжэнь қаласындағы Чжунцин технологиялық компаниясы (EngineAI) жасаған адам тәрізді робот PM01 әлемде алғашқы болып алдыға сальто трюкін жасады.

Қытайлық робот әлемде ең алғашқы болып сальто жасады
Фото: : stdaily.com

Синьхуа агенттігінің хабарлауынша, зерттеу тобы көптеген техникалық қыйындықты жеңіп, сәтті нәтижеге қол жеткізген.

Роботтың алдыға сальто жасауы жүгіруден гөрі роботтың аппараттық әлеуетін және зерттеу тобының алгоритм күшін жақсырақ көрсете алады. Сонымен қатар бұл роботтың жоғары жылдамдықтағы динамикалық мүмкіндіктері бар екенін дәлелдеді.

Айта кетерлігі, Чжунцин PM01 роботы төрт ай бұрын адамның тік жүру қалпына (пішініне) ұқсас жүре бастаған.

Артқа сальто жасаумен салыстырғанда, роботтың алдыға сальто жасауы күрделірек. Робот ауада болған кезде оның қалпын реттеп, инерцияны жеңіп, жерге түсу тұрақтылығын қамтамасыз ету үшін сенсорлар арқылы нақты уақытта қозғалыс траекториясын түзетуі керек.

Осыған дейін хабарлағанымыздай, Қытайдың CCTV арнасы ұйымдастырған жаңа жыл кешінде роботтар би билеген еді

Соңғы жаңалықтар