Қызылорда облысы Жұмылдыру дайындығы басқармасына басшы тағайындалды
Облыс әкімінің өкімімен Қызылорда облысының Жұмылдыру дайындығы басқармасы басшысы қызметіне Марат Құрманбаев тағайындалды, деп хабарлайды Kazinform.
М.Құрманбаев 1963 жылы Қызылорда облысында дүниеге келген. Жамбыл гидромелиорация құрылыс институтын «Гидромелиорация» мамандығы бойынша бітірген.
Еңбек жолын «Қызылордаводстрой» ПМК-29 тресінде жұмысшы болып бастаған.
Әр жылдары осы тресте түрлі қызмет атқарған. 1990-2000 жылдары Жалағаш ауданының табиғат қорғау комитетінің маманы, жетекші маманы, басшысы болған.
2000-2020 жылдары Қызылорда облысының Экология департаменті басшысының орынбасары, департамент басшысы қызметтерін атқарған.
2020-2022 жылдары Жамбыл облысының Экология департаментінің басшысы лауазымында болды.
2022 жылдың маусым айынан бері Қызылорда облысының табиғи ресурстар және табиғат пайдалануды реттеу басқармасының басшысы қызметін атқарып келді.
Еске салсақ, бұдан бұрын Қызылорда облысының Дене шынықтыру, спорт және туризм басқармасы басшысы тағайындалды.
