15:56, 20 Наурыз 2025 | GMT +5
Қызылордада көпір қоршауы құлады
ҚЫЗЫЛОРДА. KAZINFORM – Әлеуметтік желіде Қызылордада көпір қоршауы құлағаны жөнінде жазба жарияланды.
Қала әкімдігінен хабарлағандай, оған қоршаудың ескіруі себеп болған.
– 2025 жылдың 19 наурызында сағат 19:15 шамасында Тасбөгет кентіндегі Назарбаев даңғылы бойымен өтетін Қызылжарма каналындағы автомобиль көпірінің қоршауы құлағаны туралы ақпарат Facebook әлеуметтік желісінде жарияланды. Көпір 1973-1974 жылдары салынған. Қазіргі уақытта қоршау қалпына келтірілді, - делінген әкімдік хабарламасында.
Сонымен қатар жаңа көпір салу үшін жобалық-сметалық құжаттама әзірленіп, тиісті шаралар қабылдануда.
Бұған дейін хабарлағанымыздай, Ақтөбеде қайықпен қатынап жүрген ауданға техникалық көпір салынып жатыр.
