Көлік полицейлері ірі көлемдегі металл сынықтары ұрлығын ашты

АҚТӨБЕ. 14 ақпан. ҚазАқпарат /Самал Ендібаева/ - Көліктегі ІІД Ақтөбе стансысындағы ЖІІБ қызметкерлері ірі көлемдегі металл сынықтары ұрлығын ашты.

Ақтөбе стансысындағы ЖІІБ хабарлағандай, Жіңішке стансысындағы «Ақтемір экспо» ЖШС жүк вагонынан 1200 келі металл сынықтары жоғалып кетті. Іс материалдарынан белгілі болғандай, аталмыш жүк Ресейге бағыт алып бара жатқан.

Жедел-іздестіру шаралары барысында полицейлер күдікті азаматтарды анықтады. Ұрлықты топ адам болып, Жіңішке стансысындағы жүк пойыздарын құраушы - теміржолдың екі қызметкері жасағаны анықталды. Келтірілген шығын 33600 теңгені құрады.

Аталмыш факті бойынша ҚР ҚК 175-бабы 2-тарауы бойынша қылмыстық іс қозғалып, сотқа жолданды.