Корея Халықтық-Демократиялық Республикасының ядролық сынақтарына қатысты ҚР СІМ мәлімдемесі

«Ядролық сынақтардың ғаламдық мониторинг жүйесіне кіретін қазақстандық Ұлттық мәліметтер Орталығы 2013 жылғы 12 ақпан күні Гринвич бойынша 02 сағат 57 минут кезінде Корея Халықтық-Демократиялық Республикасының аймағында орын алған ядролық сынақтар салдарынан жерасты сілкіністерді тіркеген.
Қазақстан Республикасы Корея Халықтық-Демократиялық Республикасының БҰҰ Қауіпсіздік Кеңесінің 2006 жылғы №1718 және 2009 жылғы №1874 қарарларын бұза отырып жүзеге асырған кезекті ядролық сынақтарын қатаң сынайды.
Ядролық қаруды сынақтан өткізу ядролық қарусыздану үдерісіне кері әсерін тигізеді және өңірлік, сондай-ақ ғаламдық деңгейде қауіпсіздікке қатер туғызады. Біздің еліміз ядролық сынақтардың зардабын бастан кешіре отырып, БҰҰ аясында Ядролық сынақтарға қарсы іс-қимыл Халықаралық күнін жариялауға мұрындық болған.
Осыған орай, Қазақстан тез арада солтүстік Корея ядролық мәселесі бойынша алтыжақты форматта келіссөздерді қайта жандандыруды қолдайды және Пхеньянды алаңдаушылықты ушықтыратын кез-келген қадамнан бас тартуға шақырады», - делінген мәлімдемеде.