Коронавирус: Сәуір айында Қазақстанда 2,5 млн доза вакцина болады
«Сәуір айында 2,5 млн доза вакцина болады деп жоспарлап отырмыз. Өзге елдердегі секілді бастапқыда халық екпені сақтықпен, күдікпен салдыра бастады. Бірінші топтағы дәрігерлер, педагогтер екпе алды. Бұл өз кезегінде тиісті әсер берді, адамдардың вакцинаға сенімі арта бастады. Осы орайда қазір өз еркімен вакцина салдыруға ниетті адамдар көбейді», - деді министр Орталық коммуникациялар қызметінде.
Оның айтуынша, сәуір айынан бастап Қазақстан бойынша вакциналаудың түрлі пунктері іске қосылады, яғни тұрғындарды қамту кеңейтіледі. Сәуірде тұрғындар өздерінің тіркелген жері бойынша емханаларға барып, екпе салдыра алады.
Бұдан бұрын хабарланғандай, Алексей Цой соңғы 2 аптада Алматы, Нұр-Сұлтан, Шымкент қалаларында, Ақтөбе, Алматы облыстарында науқас саны артып, жалпы КВИ жұқтырғандар 1,5 есе өскенін айтты.
«Халық арасында вирустың қауіптілігіне сенбейтін адамдар бар, олар үйлену тойларын, банкеттерді жеке үйлер мен коттедждерде өткізуді жалғастырып келеді», - деді министр.