«Куәгер» — Президент Телерадиокешенінің жаңа деректі фильмі
АСТАНА. KAZINFORM — Қазақстандықтар Қаңтар оқиғасындағы күтпеген бетбұрыстарды, елдің ондаған қаласын қамтыған наразылықтарды қалай сипаттайды және қалай есіне алады? Бұл туралы Президент Телерадиокешенінің жаңа деректі фильмі «Куәгер» баяндайды, деп хабарлайды Kazinform.
Түсірілім тобы Қазақстанның 11 қаласына (Алматы, Алатау, Талдықорған, Атырау, Құлсары, Ақтау, Жаңаөзен, Ақтөбе, Қызылорда, Шымкент, Тараз) барды және 60-тан астам сұхбат жазып алды.
Үш жыл өтсе де, эмоциялар әлі бар, естеліктер ұмытылмаған. Егде жастағы қазақстандықтар қайда бара жатқанын білмеген жастар үшін алаңдағанын айтады.
— Көліктермен келіп, сыра таратты…, — дейді куәгерлердің бірі.
Алматы тұрғыны дүкен терезесін тесіп өткен оқ іздерін көрсетеді. Ал басынан жарақат алған жас хирург бүгінде жасанды пластинамен өмір сүріп жатыр.
Бір әйел қанға боялған Қазақстанның туын тауып алған. Бұл оның еркіндік пен бейбіт өмірдің бағасы ретінде сақтайтын ең қымбат естелігі болып қалмақ.
Фильмді бүгін, 5 қаңтар күні, сағат 15:05–те Jibek Joly телеарнасынан тамашалаңыздар.
Деректі фильмнің толық нұсқасы Президент Телерадиокешенінің YouTube арнасында да жарияланады.
