Құрбан айт – 2025: Қазақстандықтар қанша күн демалады

АСТАНА. KAZINFORM – Биыл Құрбан айт мейрамының бірінші күні 6 маусым, жұмаға түсіп тұр.

Қазақстан мұсылмандары діни басқармасы бекіткен діни мерекелер кестесіне сәйкес «Құрбан айт» мейрамы үш күн бойы (6-8 маусым) тойланады.

Қазақстан Республикасы Еңбек кодексінің 84-бабына сәйкес, Құрбан айттың бірінші күні жұмыс режимі мен ауысымдық (вахталық) кестеге қарамастан демалыс саналады.

Осылайша, маусым айында қазақстандықтар 5 күндік және 6 күндік жұмыс жағдайында да қосымша бір күн демалады:

- Бес күндік жұмыс аптасы — 6, 7 және 8 маусым демалыс;

- Алты күндік жұмыс аптасы — 6 және 8 маусым демалыс, ал 7 маусым жұмыс күні.

Осы орайда алдын ала Құрбан айт кезінде қандай сақтық шараларын есте ұстау керектігі жөнінде дәрігер кеңесін ұсынамыз.