Құрылтай сайлауы: өз учаскеңізді қалай оңай табуға болады
АСТАНА.KAZINFORM – Биыл 23 тамызға белгіленген Құрылтай депутаттарын сайлауда дауыс беру үшін Қазақстан азаматтары өз сайлау учаскесін алдын ала біле алады. Бұл туралы Орталық сайлау комиссиясы хабарлады.
GOV.KZ платформасында өз сайлау учаскесінің нөмірі мен орналасқан мекенжайын білуге мүмкіндік беретін онлайн-сервис іске қосылды.
Азаматтарға ыңғайлы болуы үшін бір мезетте үш сервис әзірленді. Көрсетілген гиперсілтемелердің кез келгеніне өту арқылы сайлаушы өзінің өңірін таңдап, ЖСН енгізіп, сайлау учаскесінің нөмірін, сондай-ақ оның мекенжайын біле алады.
- https://www.gov.kz/sailau?lang=kk
- https://sailau.gov.kz/kk
- https://sailau2026.gov.kz/kk
Сонымен қатар өзінің сайлау учаскесін іздеуге арналған онлайн-сервис eGov Mobile қосымшасының «Танымал қызметтер» бөлімінде де қолжетімді.
Бұған дейін ОСК бюллетень нұсқасын таныстырған болатын.
Қазақстанда сайлаушыларға арналған онлайн-сервистер іске қосылады.
Сайлау кезінде қай елдерден байқаушылар келетінін жазған болатынбыз.
