Құтқарушылар жоғалып кеткен аңшыны тапты

АСТАНА. KAZINFORM — Кеше Алматы облысы ТЖД кезекші бөліміне Ұйғыр ауданы Қырғызсай ауылының маңында аң аулауға кеткен 1978 жылы туған азаматтың жоғалып кеткені туралы хабарлама келіп түскен.

Құтқарушылармен бірге полиция қызметкерлері, ЖАО және жергілікті тұрғындар қатысқан іздеу-құтқару жұмыстары бүгін таңғы сағат 4-те басталды.

Іздеу тобы ауылдан 30 шақырым жерде аңшыны тапты. Жергілікті емес боған соң, ол таулы жерлерде бағдардан айырылып адасып кетіпті. Азаматқа медициналық көмекке мұқтаж болған жоқ.

ТЖМ тауға немесе бейтаныс жерге шыққан кезде жергілікті билік пен ТЖ қызметтеріне өз бағыты туралы хабарлау керек екенін еске салады.

Айта кетелік құтқарушыларға тұрғын үй төлемдері қалай берілетіні туралы жазған едік.