Қызметтік иттің көмегімен Шымкент тұрғынынан героин табылды

АСТАНА. ҚазАқпарат - Шымкент стансасындағы Ішкі істер желілік басқармасының қызметкерлері 14 қаңтарда сағат 20.45-те вокзал перронынан 46 жастағы ұстады.

Тексеру барысында көлік полицейлері «Пегас» лақап атты қызметтік иттің көмегімен күдіктіден 4 грамнан аса героин тапты.

Ұсталған азамат Шымкент қаласының уақытша ұстау оқшаулағышына қамалды.

Қазір бұл қылмыстық іс бойынша ҚР ҚК-нің 296-бабының 4- бөлімімен, яғни аса ірі мөлшердегі есiрткi, психотроптық заттарды, сол тектестерді өткізу мақсатынсыз заңсыз дайындау, қайта өңдеу, иемдену, сақтау, тасымалдау бойынша сотқа дейінгі тергеу жүргізілуде, деп хабарлайды Көліктегі ІІД баспасөз қызметі.