Қызылордада каналға батып кеткен 13 жастағы қыздың денесі табылды

ҚЫЗЫЛОРДА. ҚазАқпарат - Қызылорда облысында каналға суға батып кеткен екі адамның бірі 13 жастағы қыз баланың денесі бір күннен кейін табылды, деп хабарлайды ҚазАқпарат тілшісі.

Еске салсақ, оқиға Жаңақорған ауданына қарасты Көктөбе ауылы аумағындағы Келінтөбе каналында 27 маусымда болған Сол күні сағат 14:12 шамасында Шымкент қаласының 1988 жылғы ер азамат пен 2008 жылғы қыз бала суға батып кеткен .

Сол күні облыстық төтенше жағдайлар департаменті өрт сөндіру және авариялық құтқару жасағының мамандары олардың денесін іздестіруге кірісті. Алғашқы күнгі іздестіру өз нәтижесін берген жоқ. Бұл жұмысбүгін, 28 маусымда таңіғы сағат 6.00-ден бастап қайта жалғасты.

«Түскі сағат 13.04-те Қандөз ауылында көпірге 50 метр жетпей 13 жастағы қыз баланың денесі табылды. Ол шамамен оқиға орнынан 12 шақырымдай қашықта. Ал 33 жастағы ер адамның денесін іздестіру жалғасуда», - деп мәлім етті облыстық төтенше жағдайлар департаменті өрт сөндіру және авариялық құтқару жұмыстары қызметінен.