Лаңкестермен күресу үшін павлодарлық полицейлер қызметтік иттерге экшн-камерасын орнатпақ

АСТАНА. ҚазАқпарат - Павлодарлық полицейлер арнайы бейнекамера мен кронштейн сатып алған. Қазіргі таңда олар бұл құрылғы қандай қызметтік итке лайық екенін анықтауда, деп хабарлайды pavlodarnews.kz.

Агенттіктің жолдаған ресми сауалхатына Павлодар облысы ІІД төмендегідей жауап ұсынып отыр: - Арнайы техникамен жабдықталған полицейлік ит азаматтарды лаңкестерден қорғап, іздеу операцияларын жүргізеді. Бір ЭКШН-камераны (бейнекамера) сатып алуға 176 344 теңге жұмсалады. Камераны бекітуге арналған кронштейннің бағасы 25 мың теңге және ноутбук 217112 теңге тұрады, - деп жазылған ІІД-нің жауабында. Ведомствоның баспасөз қызметінің мәліметінше, кинологиялық қызмет орталықта қазіргі таңда 20 қызметтік ит бар. Олардың әрқайсысының атқаратын қызметі бөлек. Мәселен, біреуі жоғалған адамдарды іздесе, екіншісі есірткі мен жарылғыш заттарды анықтайды.