Лебяжі ауданындағы полицияның қоғамдық көмекшілер жасағы өсуде - Павлодар облысы

ПАВЛОДАР ОБЛЫСЫ. 15 наурыз. ҚазАқпарат - Павлодар облысының Лебяжі аудандық ішкі істер бөлімінің бастығы Ербол Байытов полицияның 19 жаңа қоғамдық көмекшісіне куәліктер мен кеуде жетондарын тапсырды, деп хабарлады аудандық әкімдіктен.

Бүгін лебяжілік полицейлерге 174 жасақшы көмектесуде, бұл ең ірі сақшы ауылдық жасақтарының бірі болып табылады. Олар кезекшілікке белгіленген кесте бойынша шығады, барлығы жарық шағылыстыратын жилеттермен жабдықталған.

Қоғамдық жасақшыларды марапаттау үшін сыйақылар, сыйлықтар қарастырылды, оларға еңбек демалысына қосымша күндер беріледі. Бұл жасақтың белсенді жұмысын ынталандырып, аудандағы құқық бұзушылықтың алдын алуды күшейтеді.