Ливандағы атыс тоқтатылды: тұрғындар елдің оңтүстігіне оралып жатыр
АСТАНА. KAZINFORM — Израиль мен «Хезболла» арасындағы атысты тоқтату келісімі сәрсенбі күні жергілікті уақыт бойынша 4:00-де АҚШ пен Францияның делдалдығымен жасалған келісім қабылдағаннан кейін күшіне енді. Сәрсенбі күні таңертең әскерилер ливандықтарға ауылдарына оралмауын ескертуіне қарамастан, көліктер легі Ливанның оңтүстігіне қарай ағылды.
Бұл келісім 2023 жылдың 7 қазанында Израиль оңтүстігіндегі ХАМАС шабуылынан кейін Хезболла бастаған 14 айлық шайқасқа нүкте қойды.
Сейсенбі күні кешке Израильдің әскери-саяси кабинеті келісімді қолдап, дауыс берді. Ол 60 күндік өтпелі кезеңді қамтиды. Сол аралықта Израиль қорғаныс күштері Ливанның оңтүстігінен өз әскерлерін шығарады және Ливан армиясы Литани өзенінің оңтүстігінде 5 000-ға жуық әскерді, соның ішінде Израильмен шекарадағы 33 бекетте орналастырады.
Израиль-Ливан шекарасындағы қақтығысты тоқтатуға уәде берген келісім Джо Байден әкімшілігінің кейінгі кездегі басты жетістігі саналып отыр.
— Күш диалог пен келіссөздерге жол беруі керек. Ливанда бұған қол жеткізілді, енді Газа секторында мүмкіндігінше тезірек болуы керек, - деді Франция сыртқы істер министрі Жан-Ноэль Барро Franceinfo радиосына берген сұхбатында.
Еске сала кетейік, бұған дейін Ливан мен Израиль арасындағы атысты тоқтату келісімі күшіне енгенін хабарлаған едік.
من #الغازية، أهالي #جنوب_لبنان في طريقهم إلى قراهم وبلداتهم.@AlMayadeenNews #الميادين_لبنان #لبنان pic.twitter.com/Z8wVXAXcwR
— الميادين لبنان (@mayadeenlebanon) November 27, 2024
