20:25, 17 Қаңтар 2025 | GMT +5
Лос-Анжелестегі өрттен қаза тапқандар саны 27-ге жетті
АСТАНА. KAZINFORM - Лос-Анжелестегі өрттен зардап шеккен 69 жастағы ер адамның қайтыс болғаны белгілі болды, деп хабарлайды CNN.

Калифорниядағы орман өрті 27 адамның өмірін қиды. Жақында құзырлы органдар бұған дейін хабар-ошарсыз кеткен 69 жастағы ер адамның қайтыс болғанын хабарлады.
Сарапшылар мен тергушілер CNN-ге аймақтағы ірі өрттің қалай шыққанын анықтауға бірнеше ай кетуі мүмкін екенін айтты.
Айта кетейік, бұған дейін ауқымды өрт салдарынан 25 адамның қаза тапқаны хабарланған болатын.
Сондай-ақ Калифорниядағы әлемдегі ең үлкен батареяларды сақтайтын зауыттардың бірінде өрт шығып, шамамен 1 500 адам эвакуацияланды.