Майами турнирінде Рыбакина мен Путинцева өнер көрсетеді

АСТАНА. KAZINFORM – 18 наурызда басталатын Майами (АҚШ) WTA 1000 турнирінің жеребесі тартылды.

«Үлкен дулыға» додасынан кейінгі ірі жарыста Қазақстаннан Елена Рыбакина мен Юлия Путинцева бақ сынайды.

Екеуінің де рейтингісі жоғары болғандықтан, турнирді екінші айналымнан бастайды.

Е.Рыбакина әлемнің 41-ракеткасы, америкалық Эшлин Крюгер немесе рейтингіде 69-сатыдағы Рената Cараcуаның қай жеңгенімен кездеседі.

Ю.Путинцеваның қарсыласы әлемнің 66-ракеткасы, америкалық Энн Ли болуы ықтимал. Бірақ ол үшін Э.Ли алғашқы айналымда іріктеу сайысы жеңімпаздарының бірін ұтуы керек.

Е.Рыбакинаны бұған дейін Дубай мен Индиан-Уэллстегі дәл осындай додаларда ресейлік, 17 жастағы Мирра Андреева тоқтатқаны белгілі.

М.Андреева аталмыш екі турнирдің екеуінде де жеңімпаз атанды. Индиан-Уэллсте әлемнің екінші және бірінші ракеткалары, поляк Ига Швентек пен беларусьтік Арина Соболенконы ұтты.

Осы табысынан кейін ресейлік теннисші әлемдік рейтингіде 11-ден бірден 6-орынға көтерілсе, Е.Рыбакина 7-ден 8-сатыға ығысады.

Өткен жылы Майамиде Е.Рыбакина финалға, Ю.Путинцева ширек финалға дейін жеткен еді. Биыл сол жетістіктерін қайталай алмаса, рейтингілік ұпайларынан айырылады.

Еске сала кетейік, бұдан бұрын Александр Бубликтің АҚШ-та жарыстың 1-ракеткасын ұтып, финалға шыққанын жазған болатынбыз.