Мемлекет басшысы Tausogar зауытында болды
АСТАНА. KAZINFORM — Елорда нысандарын аралау кезінде Қасым-Жомарт Тоқаев Tausogar зауытына барды. Бұл туралы Ақорданың баспасөз қызметі хабарлады.
№1 Индустриалдық паркте орналасқан кәсіпорын құрылыс саласын заманауи жүк көтергіш машиналармен және механизмдермен қамтамасыз етеді.
Президент елдегі ірі құрылыс компанияларына қажетті мұнара крандары мен эскалаторлар өндірісімен танысты.
Қазір Tausogar зауытында жоғары білікті 44 маман еңбек етеді. Өндіріс орны жылына 200 лифт, 70 эскалатор және 70 мұнара кранын шығара алады.
Мемлекет басшысы еңбек ұжымымен әңгімелесу барысында кәсіпорынның ел инфрақұрылымын дамытуға қосқан үлесін атап өтіп, оның алдағы уақытта бәсекеге қабілеттілігі арта түсетініне сенім білдірді.
Айта кетелік Президент Астанада бірқатар нысанды аралап, қаланы дамыту жөнінде кеңес өткізетіні туралы жазған едік.
