Мемлекеттік қызмет көрсету: қандай салаға шағым жиі түседі
Елімізде мемлекеттік қызмет көрсетуде шағым жиі түсетін салалар аталды, деп хабарлайды Kazinform.
«Сапасыз мемлекеттік қызмет көрсетуге қатысты 629 өтініш қаралды. Шағымдардың көпшілігі мемлекеттік органдар бойынша жер қатынастары, сәулет, тұрғын үй-коммуналдық шаруашылығы, жұмыспен қамту және әлеуметтік қамсыздандыру салаларында мемлекеттік қызметтерге қатысты болып отыр. Өтініштерді қарау қорытындысы бойынша 181 қызмет алушының құқығы қалпына келтірілді. Келіп түскен әрбір өтінішке егжей-тегжейлі талдау жүргізіледі және азаматтардың мүдделері мен сұраныстарын ескере отырып, көрсетілетін қызметті берушілердің жұмысы мен тиімділігі бағаланады», - деді ҚР Мемлекеттік қызмет істері агенттігі төрағасының орынбасары Салауат Мүксімов Орталық коммуникациялар қызметі алаңында өткен баспасөз мәслихатында.
