Gov.kz платформасындағы сайттар қайта істей бастады
![электронды үкімет электронды үкімет](/static/img/plug.webp)
«Ұлттық ақпараттық технологиялар» АҚ мемлекеттік органдардың интернет ресурстарының бірыңғай платформасы – Gov.kz жұмысындағы ақау үшін кешірім сұрады, деп хабарлайды Kazinform.
Бүгін таңертең барлық министрлік пен әкімдіктердің ресми сайттары ашылмай қалған еді.
«Мемлекеттік органдардың Gov.kz интернет-ресурстарының бірыңғай платформасының жұмысы қалпына келтірілді. Уақытша қолайсыздықтар үшін кешірім сұраймыз», - деп жазылған «ҰАТ» АҚ ресми хабарламасында.
Орталықтың мәліметінше, аталған ақау себептері әлі анықталып жатыр.
Айта кетейік, «Ұлттық ақпараттық технологиялар» АҚ – «Электронды үкіметтің» инфокоммуникациялық инфрақұрылымының және мемлекеттік органдардың бірыңғай көлік жүйесінің операторы, сондай-ақ орталық және өңірлік мемлекеттік органдардың ақпараттық жүйелеріне жүйелі және техникалық қызмет көрсетуді қамтамасыз етеді.