Nauryz Almaty Vibe: роботтар мерекенің жұлдызына айналды
АЛМАТЫ. KAZINFORM — Алматыда Панфиловтың жаяу жүргіншілер көшесінде, Қабанбай батырдан Төле биге дейін сағат 10:00-ден 22:00-ге дейін ұлттық шапан киген гуманоидты роботтар жүретін болады. Бұл туралы Алматы әкімдігінің баспасөз қызметі хабарлады.
Олар өтіп бара жатқан адамдармен амандасып, мерекелік атмосфера сыйлап, қала тұрғындарымен суретке түсіп, билейді.
Сондай-ақ, мұнда қайта өңделген шикізаттардан жасалған стационарлық роботтар мен робот даяшыларды, аспаздар мен баристаларды көруге болады, олар бауырсақ жасап, кофе ұсынып, тапсырыс алатын болады.
Көшенің ортасы жарқын ою-өрнектер мен адамдардың қимылдарын көрсететін Led экрандары бар кинетикалық туннельмен безендірілген. Қонақтар үшін VR аттракциондары, садақ ату, ИИ фото аймақ және «Ой-Думан» шоуы болады.
Виртуалды аватар Ғалымжан қала тұрғындарының сұрақтарына жауап беріп, жоспарланған іс-шаралар туралы әңгімелейді. Сахнада лайв-бэнділер мен диджейлер өнер көрсетеді.
Технология мен дәстүрді үйлестіретін Nauryz Almaty Vibe фестивалі бүгін сағат 22:00-де аяқталады.
