Назарбаев атындағы университеттің атауы өзгеретін болды
АСТАНА. KAZINFORM – «Ашық НҚА» порталында Ғылым және жоғары білім министрлігінің Тұңғыш Президент – Елбасы атындағы Ұлттық қорғаныс университетінің атауын өзгертуге арналған қаулы жобасы талқыланып жатыр.
Түзетуге ұшырайтын құжаттың атауы - «Жоғары және (немесе) жоғары оқу орнынан кейінгі білім беру ұйымдарының ерекше мәртебесі туралы ережені бекіту туралы» Үкімет қаулысы.
Қаулыға Ұлттық қордан балаларға арналған қаражатты есептеу, төлеу және пайдалану мәселелері бойынша өзгерістер мен толықтырулар енгізуді көздейтін заң аясында түзету енгізу қажеттігі туындаған.
- Жобамен Қазақстан Республикасының Тұңғыш Президенті – Елбасы атындағы Ұлттық қорғаныс университетінің атауын Қазақстан Республикасының Ұлттық қорғаныс университеті деп өзгерістер енгізу көзделген, - деп жазылған ереженің сипаттамасында.
Жалпы бұл өзгерістің болатыны көпшілікке 2023 жылдың қазан айында мәлім болған еді. Сенаттың жалпы отырысынан кейін депутат Бекбол Орынбасар осындай мәлімет айтқан болатын.
