Нетаньяху мен Трамп телефон арқылы сөйлесті

АСТАНА. KAZINFORM — Израиль премьер-министрі Биньямин Нетаньяху мен АҚШ президенті Дональд Трамп телефон арқылы сөйлесті. Бұл туралы Израиль мен Америка баспасөзі соңғы 20 минутта мәлімдеді, -  деп хабарлайды BBC.

Times of Israel басылымы Нетаньяху Трампқа күн сайын телефон соғатыны жайлы бір күн бұрын айтқанын еске салады.

Дегенмен бұл ерекше жағдай: Трамптың соңғы 24 сағаттағы мәлімдемелері барлық мүдделі тарапты АҚШ Израильге қосылып, Иранға соққы бере ме екен деп болжам жасауға итермеледі.

Айта кетейік, Трамп Израиль мен Иран арасында бейбітшілік орнатуға уәде берді.

Трамп Таяу Шығыстағы жағдайға байланысты G7 саммитінен ерте кетіп қалды.

Нетаньяху Иранның Израильге қатысты мәлімдемесін күмәнмен қабылдады.