Оңтүстік Кореяның бұрынғы бірінші ханымы акциялар бағасын қолдан жасады деп айыпталды

АСТАНА. KAZINFORM – Арнайы прокурордың айыптау қорытындысына сәйкес, бұрынғы бірінші ханым Ким Конг Хи 2009-2012 жылдар аралығында тек ақша берді деген мәлімдемелерге қарамастан, акциялардың бағасын манипуляциялау схемасына белсенді түрде қатысқан, деп хабарлайды Yonhap.

Өткен жұмада берілген айыптау қорытындысына сәйкес, бұрынғы президенттің әйелі Юн Сок Ель BMW компаниясының Оңтүстік Кореядағы дилері Deutsch Motors басшысымен алғаш рет 2004 жылы танысып, оның Black Pearl Invest компаниясының бұрынғы басшысы Ли Джон Хоның көмегімен компания акцияларының бағасын өзгертіп жатқанын білген. 

Арнайы прокурордың командасы айыптауда Ким Кон Хи 1,6 млрд вон (шамамен 1,15 млн доллар) және 2 млрд вон көлеміндегі брокерлік шоттарын ұсыну арқылы көмектескенін атап өтті. 

Айла-шарғының бірінші кезеңінде – 2009 жылдың желтоқсанынан 2010 жылдың қазан айына дейін бұрынғы бірінші ханым егер сәтті жүргізілсе, схеманың негізгі ұйымдастырушысына табысының 30-40% беретін және шығын болған жағдайда өтемақы алатын мәмілеге келісті. 
Құжатқа сәйкес, ол ақыры шығынға ұшырап, 47 млн вон көлемінде өтемақы алды, содан кейін 2010 жылдың қазанынан 2012 жылдың желтоқсанына дейін айла-шарғы жасаудың екінші кезеңіне қатысып, 811 млн вон пайда тапты.

Бірінші кезеңнің ескіру мерзімі өтіп кетуіне байланысты айыптау актісі тек екінші кезең бойынша шығарылды. 

Құжатта сондай-ақ Ким Кон Хидің Біріктіру шіркеуімен және бақсы Чон Сон Бэмен өзара әрекеттестігі егжей-тегжейлі баяндалған. Олар бұрынғы бірінші ханым бизнестің пайдасы үшін пара алды деген жекелеген айыптауда келтірілген. 

Құжатқа сәйкес, 2022 жылдың сәуір және шілде айларында күйеуінің инаугурациясынан кейін Ким Кон Хи шіркеу өкілінен Чон Сон Бэ арқылы құны 8 млн және 12,7 млн вон болатын екі Chanel сөмкесін алды. 

Екінші сөмкеге келетін болсақ, маусым айында шіркеу өкілі Чонға сол кездегі бірінші ханымға сыйлық бергісі келетінін айтты. Бақсы 1 шілдеден кейін, Юн мен оның әйелі Испаниядағы НАТО саммитінен оралған соң қайта қоңырау шалуды ұсынды.

Шіркеу өкілі 5 шілдеде Сеулдегі қонақүйде Чонмен кездесіп, одан Кимге сөмкені беруді өтінді, сонымен қатар оның Шіркеу ілгерілететін бірқатар ауқымды жобаларға, соның ішінде Оңтүстік Кореяда БҰҰ кеңсесін орналастыруға мемлекеттік қолдау көрсетуін сұрады. 

Ким Кон Хи сөмкені қабылдады және 15 шілдеде ол шіркеу қызметкеріне қоңырау шалып, сыйлық үшін алғыс айтып, үкіметтің шіркеуге көмектесу үшін күш-жігерін жұмсайтынына сендірді, деп хабарлады арнайы прокурордың командасы.

Ким Кон Хи мен Юн Сок Ёль – бәр уақытта сот алдында қамауға алынғандар ретінде жауап берген елдің бұрынғы президенттік жұп. Бұрынғы президент те бүлік шығарды деген айыппен қамауға алынды.

Еске сала кетсек, Оңтүстік Кореяның экс-алғашқы ханымына сыбайлас жемқорлық бойынша айып тағылды. Ол 12 тамыздан бері қамауда отыр.