Орал қаласында жол-көлік оқиғасынан 56 жасар әйел адам қаза тапты

ОРАЛ. 5 қараша. ҚазАқпарат - 3 қараша күні кешкісін Орал қаласында Ружейников көшесімен келе жатқан белгісіз біреу автокөлігімен «Жаным» кафесі тұсында 56 жасар жаяу жүріншіні қағып кеткен.

Облыстық ішкі істер департаментінің баспасөз қызметінен хабарлағанындай, аталмыш әйел оқиға орнында көз жұмса, жүргізуші бой тасалаған. Полиция қызметкерлерінің жедел іс-әрекеті нәтижесінде «Фольксваген-гольф» автокөлігінің 31 жасар жүргізушісі ұсталды. Автокөлік айып тұрағына қойылып, қылмыстық іс қозғау туралы қаулы қабылданды.