Орал тұрғыны ауладан жаңа жылдық шыршаны ұрлап кеткен

АСТАНА. KAZINFORM — Полиция көпқабатты үйдің ауласынан шыршаны ұрлап кеткен адамды ұстады. Бұл туралы қалалық полиция мәлім етті.

Оқиға кешкі уақытта болған. Жергілікті тұрғындар аулада безендірілген шыршаның жоғалып кеткенін байқаған.

— Орал қаласында учаскелік полиция инспекторлары көппәтерлі үйдің кіреберісіне орнатылған шыршаны ұрлап әкеткен 48 жастағы ер адамды ұстады. Қазіргі уақытта ұрлық фактісі бойынша сотқа дейінгі тергеу басталды, — делінген хабарламада.

Бұған дейін Орал қаласында 40 алкомаркеттің 15-і лицензиясынан айырылғанын хабарлағанбыз.