Өскеменде бүгіннен бастап трамвай жүрмейді

ӨСКЕМЕН.KAZINFORM – Өскемен қаласында трамвай қозғалысы бірнеше күнге тоқтайды.

Қала бойынша трамвайлар 15-21 тамыз күндері аралығында мүлде жүрмейді. Бұл туралы «Өскемен көлік компаниясы» ЖШС-дан мәлім етті.

- Трамвай қозғалысының тоқтатылуы трамвай паркінің кіреберісі мен шығаберісіндегі рельстерді ауыстыру жұмыстарына байланысты болып отыр. Халықтан бұл уақытша қолайсыздықтарға түсіністікпен қарауды сұраймыз, - делінген ақпаратта.

Айта кетейік, бүгінде Өскеменде 23 трамвай бар. Рельсті көліктің 90 пайызы тозған.

Еске салсақ, осыған дейін Швецияда трамвай апаты салдарынан сегіз адам жарақат алғаны хабарланған.