Өзбекстан халқының саны 37 миллионнан асты

ТАШКЕНТ. KAZINFORM – 22 сәуірдегі мәліметке сәйкес, Өзбекстан халқының саны 37 000 991 адамға жетті, деп хабарлайды Kazinform агенттігінің Ташкенттегі меншікті тілшісі Әлихан Асқар.

Өзбекстан Сататистика агенттігінің дерегінше, оның ішінде 18,6 млн - ерлер, 18,3 млн - әйелдер.

Еске салайық, осыдан 22 күн бұрын республикадағы тұрақты тұрғындардың саны 36 963 262 адам болған еді.

Қоса кетсек, Өзбекстанда халық санағын өткізу 2025-2026 жылдарға жоспарланған. Алдын ала есепке сай, оған 800 млрд сум ($63,4 млн) қажет.

Болжамға сәйкес, 2030 жылы Өзбекстан халқының саны 40 миллионнан асады. Ал 2040 жылы бұл көрсеткіш - 46 млн, 2050 жылы 50 млн-ға жетеді деп күтілуде.