Өзбекстанда жер сілкінді

АСТАНА. KAZINFORM — 8 тамызда жергілікті уақыт бойынша сағат 08:58–де (Гринвич бойынша 03:58–де) Өзбекстан аумағында жер сілкінісі тіркелді, деп хабарлайды Өзбекстан ТЖМ Республикалық сейсмоболжау мониторингі орталығы.

Жер сілкінісінің координаттары: солтүстік ендік бойынша 40,55 градус; шығыс бойлық бойынша 72,26 градус.

Магнитудасы — М=4,2. Тереңдігі — 15 шақырым.

Жерасты дүмпуінің эпицентрі Ташкенттен 268 шақырым оңтүстік-шығыста, Андиджан облысының Мархамат ауданында орналасқан.

Сілкініс бірқатар өңірлерде сезілді:

• Андиджан облысында — 3 балл, эпицентрден 29 км қашықтықта

• Ферғана облысында — 2–3 балл, эпицентрден 45 км қашықтықта

• Наманган облысында — 2 балл, эпицентрден 72 км қашықтықта

Зардап шеккендер мен қираған нысандар туралы ақпарат әзірге хабарланған жоқ.

Бұдан бұрын Қырғызстандағы жер сілкінісі Қазақстанның үш аумағында сезілгенін жазғанбыз.