Өзбекстанның Катардағы елшілігі ашылды

Катар астанасы Доха қаласында Өзбекстан Республикасы дипломатиялық өкілдігінің ашылу салтанаты өтті, деп хабарлайды Kazinform агенттігінің меншікті тілшісі. 

«Дохада Өзбекстан Республикасы Елшілігінің ашылу салтанаты өтті. Екі ел көшбасшыларының нәтижелі жұмысының арқасында Өзбекстан мен Катар арасындағы қарым-қатынас бұрын-соңды болмаған деңгейде дамып келеді», - делінген Өзбекстан Сыртқы істер министрлігінің хабарламасында.

Айта кетейік, биыл мамырда Катардың дипломатиялық өкілдігі Ташкентте ашылған болатын.

«Бұл елшіліктер біздің қарым-қатынасымызды нығайтатыны сөзсіз», - деп мәлім етті ведомстводан.