Өзбекстан халқының саны 38 миллионға жетті

АСТАНА. KAZINFORM – Ұлттық статистика комитетінің мәліметі бойынша, 2025 жылғы 28 тамыз сағат 9:35-тегі жағдай бойынша Өзбекстан Республикасының тұрақты тұрғындарының саны 38 000 000 адамға жетті. 

Өзбекстанның тұрақты тұрғындарының ішінде ерлердің саны әйелдерге қарағанда 273 600 адамға көп.

Атап айтар болсақ:

ерлер саны – 19 136 800

әйелдер саны – 18 863 200 адам

Мамандардың айтуынша, 2030 жылға қарай Өзбекстан халқының саны 40 миллион адамға жетеді деп күтіліп отыр. Бұл – Орталық Азия халқының жартысы. Кейінгі 30 жылда бұл елдегі халық саны 15 миллион адамға өсті. Ол тұрақты демографиялық динамика көрсеткішінің жақсарғанын көрсетеді.

Өзбекстанда орташа өмір сүру ұзақтығы 74,3 жасты құрайды.

Бұған дейін БҰҰ 2100 жылға қарай Өзбекстан халқының саны 74 миллионнан асатынын болжаған болатын.