Өзіміз жөндейміз - Министр Алматыда жер сілкінісінен жатақхана қабырғалары жарылғанын айтты

АСТАНА. KAZINFORM – Алматыда жер сілкінгеннен кейін бірнеше оқу орнының ғимараттары мен жатақханасының қабырғасында жарықшақтар пайда болған. Бұл туралы ҚР Ғылым және жоғары білім министрі Саясат Нұрбек айтты.

«Жер сілкінгеннен кейін бірнеше ғимаратымызда кішігірім жарықшақтар пайда болды. Арнаулы мамандарды, әкімдік өкілдерін және тәуелсіз сарапшыларды шақырып, бірқатар оқу орындарының әр ғимаратын аралап шықтық. Ол нысандардың негізгі құрылысына зақым келмеген. Сондықтан бұл ғимараттарда үш күшімізбен жөндейміз», - деді С. Нұрбек тілшілер сұрағына жауап бере отырып.

Оның айтуынша, дүйсенбі күні студенттер мен оқушылар ғимараттардан жедел шығарылған.

«Жатақханада тиісті күзет ұйымдастырылды. Жоғары оқу орындарының басшылығы жатақханаларды аралап жүр», - деді министр.