Пәкістандағы муссон жауыны салдарынан 279 адам қаза тапты
АСТАНА. KAZINFORM — Пәкістанда соңғы бір айда жалғасып жатқан муссон жауыны салдарынан кем дегенде 279 адам қаза тауып, 700-ге жуық адам зардап шекті, деп хабарлайды Geo.tv.
Төтенше жағдайлармен күрес ұлттық басқармасының (NDMA) мәліметінше, соңғы тәулікте Пәкістанның кей жерлерінде жауған муссон жауыны салдарынан тағы сегіз адам қаза тауып, елдегі қаза тапқандардың жалпы саны 279 адамға жетті.
Дауылдан солтүстік-шығыс Пенджаб провинциясы қатты зардап шекті, аймақта 151 адамның қаза болғаны расталды.
Адам шығынынан басқа, мүлікке айтарлықтай зиян келді. 1500-ден астам үй бүлінген.
Құтқару және апаттан зардап шеккендерге көмек көрсету жұмыстары жалғасып жатыр, алайда алдағы күндері жаңбыр жауады деп болжанып отырғанына байланысты төтенше жағдайларды басқару органдары азаматтарды сақтық шараларын сақтауға шақырды.
Муссон жауыны Оңтүстік Азия климаты үшін жиі кездесетін жағдай, бірақ соңғы жылдары қаланың қарқынды өсуі, нашар дренаждық жүйелер және климаттың өзгеруіне байланысты экстремалды ауа райы оқиғаларының күшеюіне байланысты олардың жағымсыз әсерлері артты.
Бұған дейін Пәкістандағы муссон жауыны салдарынан қаза болғандар саны 111 адамға жеткенін жазған едік.
