Павлодар облысында жол жабылды

ПАВЛОДАР. KAZINFORM — ҚазАвтоЖол Павлодар облысында көлік қозғалысына шектеу қойылғанын хабарлады. 

— 2026 жылғы 1 қантарда сағат 03:00–де ауа райының нашарлауына байланысты республикалық маңызы бар «Атамекен — Ертіс — РФ шекарасы» автожолының 0-263 шақырымы аралығында (Атамекен ауылы — РФ шекарасы) барлық көлік түрінің қозғалысына шектеу қойылады, — делінген хабарламада.

Жолды 2026 жылғы 1 қантарда сағат 07:00–де ашу жоспарланған.

Тәулік бойы қосымша ақпарат алу үшін 1403 байланыс орталығына хабарласу қажет.

Айта кетейік, Жамбыл облысында ауа райының бұзылуына байланысты республикалық маңызы бар жол учаскесі уақытша жабылды.