Павлодарда 19 жастағы жігіт суға батып кетті

ПАВЛОДАР. KAZINFORM — Усолка өзенінде шомылып жүрген жас жігіт тілсіз жаудың құрбаны болды. Ол өзеннің тыйым салынған жерінде суға түскен.

Павлодар қаласында 19 жастағы жігіт өзенге шомылып жүріп, суға батып кетті.

«Оқиға Усолка өзеніндегі көпір маңында болған. 2004 жылы туған азамат арнайы жабдықталмаған жерде суға түскен. Жігіттің мүрдесін өңірлік төтенше жағдайлар департаментінің сүңгуірлері өзеннен алып шықты» деп хабарлады Павлодар облысы төтенше жағдайлар департаментінің баспасөз қызметінен.

Еске сала кетейік, бұған дейін Ертіс өзеніне шомылып жүрген тағы бір жас жігіт суға батып кеткен еді.