Полиция қоғамдық тәртіпті қамтамасыз ету шараларын күшейтті

АЛМАТЫ. KAZINFORM — Елімізде «Құқықтық тәртіп» жедел-профилактикалық іс-шарасы басталды. Бұл туралы ІІМ баспасөз қызметі хабарлады. 

12-14 қыркүйек аралығында елімізде «Құқықтық тәртіп» жедел-профилактикалық іс-шарасы өткізіледі.

Полиция заңдылық пен қоғамдық тәртіпті қамтамасыз ету шараларын күшейтті.

— Іс-шара барысында құқық бұзушылықтардың алдын алу, қылмыстарды анықтау, халық көп шоғырланатын орындарды тексеру, заңнамалардың сақталуын бақылау жұмыстары жүргізіліп жатыр, — делінген хабарламада.

Басты мақсат азаматтардың қауіпсіздігін қамтамасыз етіп, құқықтық тәртіпті нығайту. 

Айта кетелік полиция оқушылардың қауіпсіздігін қамтамасыз ету шараларын күшейткен еді.