Президент жұмыс сапарымен Солтүстік Қазақстан облысына барды

АСТАНА. ҚазАқпарат – Мемлекет басшысы Қасым-Жомарт Тоқаев Солтүстік Қазақстан облысына барды, деп хабарлайды ҚазАқпарат Ақорданың Telegram каналына сілтеме жасап.

Президент мұнда өңірдегі көктемгі егіс науқанымен танысып, ауыл шаруашылығы тауарын өндірушілермен кездеседі, сондай-ақ әлеуметтік нысандарды аралап көреді.

Айта кетейік, осыған дейін Қасым-Жомарт Тоқаевтың Солтүстік Қазақстан облысына жұмыс сапарымен баратынын хабарлаған болатынбыз.

Сондай-ақ Президент 30 мамыр күні Ақордада бірқатар мемлекеттің елшілерінен сенім грамоталарын қабылдайды.

Ал 2-маусымда Қырғызстанның Шолпан-Ата қаласында өтетін екінші «Орталық Азия – Еуропалық Одақ» саммитіне қатыспақ.