PWL турнирі: Ризабек Айтмұқан әйгілі Олимпиада чемпионынан жеңіліп қалды
АСТАНА. KAZINFORM — Бүгін Алатау етегінде әлемнің ең әйгілі балуандарының басын қосқан PWL турнирінде қазақтың үш дүркін әлем чемпионы Ризабек Айтмұқан америкалық әйгілі Олимпиада чемпионынан ұтылып қалды.
Нақтырақ айтсақ, бүгін Алматы қаласындағы Балуан Шолақ атындағы спорт сарайында PWL-8 кәсіпқой күрес турнирі мәресіне жетті.
Аталған турнирде қазақстандық әлем чемпионы Ризабек Айтмұқан америкалық Олимпиада чемпионы Кайл Снайдермен белдесіп, 8:0 есебімен қарсыласына жол берді. Балуандар 97 келіге дейінгі салмақ дәрежесінде бақ сынасты.
Айта кетейік, Снайдер бұл күні екі белдесу өткізді. Ризабектен бөлек ол ресейлік Константин Пшеничниковты да жеңді.
Кайл Снайдер — Рио олимпиадасың чемпионы, Токио олимпиадасың күміс жүлдегері, сондай-ақ әлем чемпионатының үш дүркін жеңімпазы.
Жалпы турнир барысында 11 кездесу болады. Күрес ережесі бойынша әр жұп 6 минуттан белдесті.
Осыған дейін аталған турнирде тағы екі қазақстандық балуан сынға түскенін жазған болатынбыз. Онда Азамат Дәулетбеков қарсыласынан басым түссе, әйелдер күресінен Жәмила Бақбергенова қырғызстандық әйгілі балуан Айпері Медетқызына 5:1 есебімен жол берді
