«Самұрық-Қазына» басшысы: «Air Astana» IPO-сы өте сәтті өтті
АСТАНА. KAZINFORM – «Самұрық-Қазына» АҚ басқарма төрағасы Нұрлан Жақыпов «Air Astana-ның» IPO-сына қатысты пікірін білдірді.
— Менің ойымша, «Air Astana-ның» IPO-сы өте сәтті өтті. Бұл — жыл басынан бергі Лондон қор биржасында өткен ең ірі IPO. Air Astana акцияларына сұраныс ұсыныстан үш есе көп болды. Шамамен 370 млн АҚШ доллары тартылды. Бұл өте сәтті кейс деп санаймын, өйткені 2001 жылы Air Astana құрылған кезде «Самұрық-Қазына» мен BEA Systems әрқайсысы 8,5 млн АҚШ долларынан инвестиция құйған еді. Ал 2024 жылдың ақпанындағы IPO кезінде халықаралық инвесторлар компанияны шамамен 900 млн АҚШ долларына бағалады. Яғни, өсім 50 есе артты. Бұл активтерімізді тиімді басқарып, олардың қосымша қосылған құнын арттыра алатынымыздың дәлелі, - деді ол.
Қор басшысының айтуынша, 9 айдың қорытындысы бойынша Air Astana қызметінің негізгі көрсеткіштері өткен жылдың осы кезеңімен салыстырғанда жоғары болған.
— Тасымалданған жолаушылар саны, EBITDAR және басқа да көрсеткіштер өткен жылдың сәйкес кезеңімен салыстырғанда 11 пайыз жоғарылады. 2024 жылдың 9 айының қорытындысы бойынша EBITDAR Margin көрсеткіші 28 пайызды құрады. Бұл Singapore Airlines, British Airways, Turkish Airlines секілді компаниялардың көрсеткішінен де жоғары, - деді Нұрлан Жақыпов.
Бұған дейін «Самұрық-Қазына» АҚ биыл мемлекетке қанша дивиденд төлегенін жазған едік.
«Самұрық-Қазына» қоры қандай жобаларды іске асырып жатқаны айтылды.
