15:02, 09 Қараша 2024 | GMT +5
Семейде үш қабатты моншадан шыққан өрт сөндірілді
АСТАНА. KAZINFORM — Өрт екінші қабатқа және жақын тұрған бір қабатты дүкеннің шатырына таралған, деп хабарлайды ТЖМ баспасөз қызметі.
Сағат 14:15–те ТЖМ күштерімен өрт оқшауланды. Нақтыланған мәліметтер бойынша өрт қазандықтың үй-жайында екінші қабатқа және жақын тұрған бір қабатты дүкеннің шатырына таралған.
— Сағат 14:36–да 132 ш. м. алаңды шарпыған өрт толығымен сөндірілді. Өрт сөндірушілер үш иінді баспалдақтың көмегімен 1992 жылы туған әйел адамды құтқарды. Зардап шеккендер жоқ, — деді Абай облысы ТЖД бастығының орынбасары Алексей Штыкель.
Бұған дейін хабарлағанымыздай, Семейде үш қабатты монша кешені өртенді.
Сондай-ақ, Қарағандыда мұнара краны өртенгені айтылды.
