Қарағандыда мұнара краны өртенді

АСТАНА. KAZINFORM — Қарағандыда ТЖМ қызметкерлері мұнара кранының өртін сөндірді. Бұл туралы Төтенше жағдайлар министрлігінің баспасөз қызметі мәлім етті.

Бүгін таңертең Крылов көшесінде жаңа ғимараттың аумағында, 6-қабат деңгейінде мұнара кранының кабинасы жанды. Өрт алаңы 4 шаршы метрді құрады.

— Құтқарушылардың үйлесімді жұмысының арқасында өрт жедел түрде сөндірілді. Зардап шеккендер жоқ, — делінген ведомство хабарламасында.

ТЖМ кәсіпкерлерді өрт қауіпсіздігі талаптарын қатаң сақтауға шақырады.

Бұған дейін, Оралда дүкен өртеніп, 20 адам эвакуацияланғаны анықталды.

Сондай-ақ, Алматы маңындағы жиһаз цехында өрт шыққанын хабарлағанбыз.

Бұдан бөлек, Атырауда итті ұрып, өртеп өлтірген екі адамның бас бостандығы 6 айға шектелгені белгілі болды.