Сердар Бердімұхамедов Астанаға жұмыс сапарымен келді

АСТАНА. KAZINFORM –  Түрікменстан Президенті Сердар Бердімұхамедов «Орталық Азия – Германия Федеративтік Республикасы» мемлекет басшыларының кездесуіне қатысу үшін Астанаға жұмыс сапарымен келді. Бұл туралы Туркменистан сегодня хабарлайды.

Нұрсұлтан Назарбаев халықаралық әуежайында Түрікменстан мемлекетінің басшысын Қазақстанның Премьер-Министрі Олжас Бектенов және басқа да ресми тұлғалар жылы лебізбен қарсы алды.

Бұған дейін Өзбекстан Республикасының Президенті Шавкат Мирзиёев Қазақстанға жұмыс сапарымен келгенін жазған едік.

Қырғыз Республикасының Президенті Садыр Жапаров бүгін, 17 қыркүйекте Орталық Азия мемлекеттері басшылары және Германия Федералдық канцлерінің екінші кездесуіне қатысу үшін Астанаға жұмыс сапарымен келді.

Қырғызстан президентінің ұшағы Қазақстан астанасының халықаралық әуежайына қонды.