Шетелдік рейтингтік журналдарда отандық ғалымдардың жарияланымдары екі есеге артады - ҚР БҒМ

АСТАНА. 13 қараша. ҚазАқпарат - ҚР Білім және ғылым министрлігі шетелдік рейтингтік журналдарда отандық ғалымдардың жарияланымдарын екі есеге арттыруды жоспарлап отыр. Бұл туралы бүгін Қазақстанда білім және ғылым саласын дамытудың 2014-2016 жылдарға арналған басым бағыттары бойынша өткен ҚР Білім және ғылым министрлігінің алқа мәжілісінде ведомство басшысы Аслан Сәрінжіпов мәлім етті.

Мұнымен қоса министр отандық білім беру жүйесінің алдына қойылған мақсат-міндеттердің ішінде ғылымды экономиканың инновациялық дамуымен сәйкес келтіру, кадрлық әлеуеттің бәсекеге қабілеттілігін арттыру, қаржыландыру тетіктерін жетілдіру мен ғылыми бағытты қолдау мәселелері қамтылғанын сөз етті.